Brittanje se veiligheidsdienste het 'n nuwe lys gepubliseer van wat hulle glo die grootste bedreigings vir die land is. Internasionale terrorisme van IS en die bedreiging van terugkerende Britse jihadiste uit Sirië is van die grootste bekommernisse en Russiese aggressie, veral Poetin se 'gewilligheid om geweld te vertoon', het Brittanje se verdedigingsnetwerk ontsenu, volgens die veiligheidskonsep. Die verslag, wat deur David Cameron op 23 November vrygestel sal word, noem Rusland se aggressie in die Oekraïne en die land se stygende militêre begroting as rede tot kommer. Dit is ook bekend dat Brittanje se verdedigingskundiges bekommerd is oor Rusland se groter betrokkenheid in die Midde-Ooste. Rusland se toenemende isolasie in internasionale politiek (die G8 het verlede jaar as die G7 vergader, president Poetin uitgesluit van die tafel), verhoogde militêre besteding en klaarblyklike bereidwilligheid om geweld te vertoon in die lig van universele veroordeling, dui daarop dat die volgende vyf jaar 'n eskalasie van die Russiese bedreiging vir veiligheid.