(CNN) – Ban Ki-moon, sekretaris-generaal van die VN, het Saterdag amptenare in die omstrede Sentraal-Afrikaanse Republiek gewaarsku om nie die foute te herhaal wat tot die Rwanda-volksmoord 20 jaar gelede gelei het nie.

In 'n toespraak aan die land se Nasionale Oorgangsraad in die hoofstad, Bangui, het die leier van die internasionale liggaam ook die wêreld aangemoedig om nie "weg te kyk" van die land se onrus nie. “Sommige sê dit is ’n vergete krisis,” het Ban gesê. “Ek is hier om te help om seker te maak die wêreld vergeet nie.”

Die Sentraal-Afrikaanse Republiek, 'n voormalige Franse kolonie, het verlede jaar in chaos gedompel nadat 'n koalisie van meestal Moslem-rebelle president Francois Bozize verdryf het. Hulle is sedertdien uit mag gedwing, maar Christen- en Moslem-milisies veg steeds om beheer. Duisende het gesterf tydens die gevegte en 2,2 miljoen mense, sowat die helfte van die land se bevolking, het humanitêre hulp nodig, volgens die VN Meer as 650 000 mense is steeds intern ontheem, en byna 300 000 het na buurlande gevlug op soek na skuiling. ..

In 1994 het Hutu-ekstremiste in Rwanda etniese Tutsi's en gematigde Hutu's geteiken in 'n drie maande lange moordtog wat na raming 800 000 mense dood gelaat het. Ná sy besoek aan die Sentraal-Afrikaanse Republiek reis die VN se sekretaris-generaal na Rwanda vir die seremonies wat die 20ste herdenking van die volksmoord daar waarneem.

1. Bid asseblief dat CAR politieke amptenare, die Afrika-unie-geleide vredesmag, sowel as die Franse magte, effektief sal wees om orde in die land te handhaaf.

2. Bid dat die Christen- en Moslem-milisies beweeg sal word om hul wapens neer te lê en vreedsame oplossings vir hul verskille te soek.

3. Tree in vir effektiewe humanitêre hulpverlening aan die helfte van die bevolking wat hulp nodig het en dat hulle binnekort weer na 'n normale, vreedsame lewe kan terugkeer.