In Frankryk mag onderwysers oor die Bybel onderrig, maar word streng verbied om te proseliteer of te preek. ’n Stap om godsdiens uit skole te hou is in 2013 geneem toe skole deur wetgewing beveel is om ’n handves op ’n prominente plek te plaas om mense aan vyftien sekulêre Republikeinse beginsels te herinner. Verlede week is 'n onderwyser in Malicornay, Sentraal-Frankryk, geskors nadat hy gedeeltes van die Bybel aan sy leerlinge, tussen nege en elf jaar oud, gelees het. Ouers van leerlinge in die klas wat beswaar maak teen die onderwyser se lesse het 'n anonieme klagtebrief aan die skoolhoof geskryf, wat toe besluit het om die onderwyser te skors weens sy oënskynlike verontagsaming van Frankryk se streng sekularismewette wat godsdiens van die publieke sfeer skei, veral in die onderwys. Die nasionale onderwysraad hersien die saak. Frankryk neem sekularisme – of laïcité – baie ernstig op; dit is egter ongewoon dat 'n onderwyser geskors word vir die lees van 'n gedeelte uit die Bybel.