'As iets met my pastoor gebeur, sal ek nie vrees nie. Ek sal beheer oor sy werk neem en die Here dien!' Hierdie dapper verklaring is gemaak deur Samaru Madkami, 14 jaar oud, van die staat Odisha. Hy het goeie rede gehad om te verwag dat sy pastoor sou sterf, aangesien Christene in hul omgewing vyandigheid en geweld van ekstremiste in die Hindoe-meerderheid ondervind. Samaru se pa, 'n kerkouderling, het doodsdreigemente ontvang. Maar dit was Samaru self wat deur die ekstremiste ontvoer en wreed vermoor is, nie lank nadat hy sy moedige belofte gemaak het nie. Hy het op 4 Junie vermis geraak en sy lyk is twee dae later gevind. Die bende wat hom vermoor het, het ook probeer om 'n neef van Samaru te gryp, maar omdat hy ouer en sterker was, het hy daarin geslaag om weg te kom. "Samaru was 'n passievolle Christen," het sy pastoor gesê en onthou hoe die seun die Evangelie energiek met ander jongmense en kinders in die dorp gedeel het.