Mission Australia is 'n Christelike liefdadigheidsorganisasie wat minderbevoorregte gesinne en kinders ondersteun, teen haweloosheid en kwessies rondom geestesgesondheid en verslawing beveg. Hulle het jongmense van 15-19 jaar genooi om deel te neem aan 'n wye nasionale opname. Verlede jaar se opname het geestesgesondheid geïdentifiseer as die belangrikste kwessie waarmee jong Australiërs te kampe het, met 'n gradering van 43% (dit was 34% in 2017 en 21% in 2016). Die top drie persoonlike bekommernisse in vorige opnames was die hantering van stres, skool- of studieprobleme en geestesgesondheid. Die jaarlikse opname verskaf 'n waardevolle momentopname van waar jongmense is en bied belangrike insigte wat die werk van liefdadigheidsorganisasies, gemeenskapsgroepe en regeringsbesluitnemers inlig.