Die World Evangelical Alliance (WEA) het 'n beroep op Algerynse owerhede gedoen om vryheid van aanbidding aan kerke en godsdienstige instellings te waarborg, en om alle geslote kerke toe te laat om te heropen. 'n Persverklaring op 12 Augustus lui: 'Ons is baie spyt dat twee kerke in Mei en Augustus 2019 met geweld in die stad Boudjima gesluit is. Dit bring die aantal gedwonge geslote kerke op ses te staan, insluitend een huiskerk. Vyf van hulle behoort aan die Protestantse Kerk van Algerië, 'n WEA-lid. Baie meer kerke word met sluiting gedreig, te midde van weiering van formele registrasie en erkenning deur owerhede. Ons doen ook 'n beroep op die Algerynse owerhede om die verordening van Februarie 2006 wat die voorwaardes en reëls vir die uitoefening van nie-Moslem-godsdienste uiteensit, op te skort en te hersien. Hierdie verordening word in elk van die besluite om kerke te sluit aangehaal.'