Hewige gevegte en lugaanvalle duur voort in die Libiese hoofstad Tripoli. Drie weke gelede het die oostelike bevelvoerder Generaal Khalifa Haftar 'n offensief van stapel gestuur om dit van die VN-erkende regering van eerste minister Fayez al-Sarraj te gryp. Meer as 200 mense is dood sedert gevegte begin het, en die situasie bly onbestendig vir mense wat daar woon. 'n Inwoner het aan die BBC World Service gesê: 'Ons vrees vir ons kinders, al wat hulle hoor is harde ontploffings. Kinders vra vrae. Hoekom is die skool gesluit? Hoekom is daar geen eksamens om af te lê nie? Sommige sê hulle is nie bang nie, en ander is baie bang. Plaaslike owerhede sê vir ons wanneer om by die huis te bly as daar moeilikheid gaan wees. Ons probeer ’n normale lewe lei, maar sommige mense kan nie hul huise verlaat nie, sommige kan nie vlug nie omdat die paaie gesluit is, ander het gevlug. Baie is dood of is beseer wanneer hulle inkopies doen. Bombome kom enige tyd, maar meestal in die nag.'