Meer as sestig mense is dood ná vloede regoor Iran. 78 interstedelike paaie is versper, 2 199 landelike paaie en 84 brûe is weggespoel. 141 riviere het hul walle gebars, en 400 grondverskuiwings is aangemeld. Oorstromings het byna 7 500 myl se paaie beskadig (36% van die land se netwerk). Regering en hulpagentskappe het onder erge kritiek gekom omdat hul pogings te klein in skaal was en nie in staat was om die akute behoeftes van tienduisende vloedslagoffers te hanteer nie. Nooddienste het vier helikopters na Pol-e Dokhtar gestuur omdat landroetes na die stad afgesny is. Baie mense is in tente. 'n Parlementslid het president Rouhani gewaarsku: 'Mense wat 'n tragedie in die gesig staar, het dringend kos, drinkwater, medisyne en warm klere nodig'. Die gebrek aan orde en beplanning is wydverspreid. Bid vir die duisende wat in die oopte skuil met min kos, skoon water of warm klere in dikwels reënerige weer.