Staan asseblief in solidariteit en bid vir Christene wat in Iran op valse politieke aanklagte gevange gehou is as gevolg van hul geloof. Dit sluit in: Maryam - huiskerklid, in Evin sedert Julie 2013, wat 'n vonnis van vier jaar uitdien. Ebrahim - huiskerklid, in Evin sedert Augustus 2013, wat 'n vonnis van een jaar uitdien, gevolg deur twee jaar se ballingskap na 'n grensdorp. In Maart 2015 is hy ’n verdere vyf jaar tronkstraf opgelê. Behnam - huiskerkleier, in die Ghezel Hesar-gevangenis sedert Mei 2011, wat 'n vonnis van ses jaar uitdien. In 2014 het hy 'n verdere ses jaar gekry. Vruir - 'n geordende leraar, tans onder huisarres vir 3-5 jaar. Drie van sy gemeente is glo in die tronk. Shahin – 2,5 jaar tronkstraf opgelê in Julie 2013. In Desember 2013 vrygelaat en toe geneem om sy vonnis uit te dien in April 2014. Mohammad is op 5 Julie 2014 tronk toe gestuur vir 'n vonnis van ses jaar. Massoud het op 9 November 2014 met sy vonnis van vyf jaar begin.