Hulpagentskappe doen 'n beroep op kos, medisyne en konstruksiemateriaal vir skuilings terwyl die jongste rondte van geweld teen Rohingyas voortduur. Een agentskap skryf: 'Die situasie verander voortdurend; ons lewer langtermynhulp binne Myanmar vir die Rohingya-gemeenskap. Ons het ook spanne in die naburige Bangladesj om diegene te ondersteun wat van geweld vlug.' Pous Francis, op 'n vier dae lange besoek aan Mianmar, het nie die lot van die Rohingya in die openbaar by die naam genoem nie. Khin Maung Myint, 'n Rohingya-aktivis, het gesê hy is teleurgesteld: 'nie in Pous Francis nie, maar in die raadgewers wat hom afgeraai het om die lot van die Rohingya-volk ter sprake te bring.' Die Pous het gepraat oor vergifnis en die ignorering van die begeerte vir wraak, sonder om die geweld, bendeverkragtings, slagtings en brandstigting teen die Rohingia te noem.