'Is jy 'n Christen?' Dit was die laaste woorde wat die 45-jarige Medhat Saad Hakim gehoor het voordat hy verlede maand op sy drumpel in die kop geskiet is. Die gewapende mans het Hakim se skreeuende ma buite die huis gesleep voordat hulle weer binne is en sy pa doodgeskiet het. Die aanvallers het toe die huis geplunder voordat hulle dit aan die brand gesteek het. Medhat Saad en Saad Hakim is die sesde en sewende Christene wat binne 'n maand in die dorp Al-Arish vermoor is. Almal word geteiken deur Al Wilayat Sinai, 'n plaaslike filiaal van IS wat 'n laevlak-opstand op die skiereiland voer. Die twee moorde, gevolg deur nog een 48 uur later, het Christene aangespoor om uit die kusdorp te vlug; meer as 500 het sedert 21 Februarie in Ismailia, 200 km daarvandaan, aangekom. Diegene wat nie kan vertrek nie, het hul kinders na familie buite Sinai weggestuur. Terroriste het taxi- en minibusbestuurders met die dood gedreig as hulle vlugtende Christene uit Al-Arish neem.