Mexiko word deesdae gereeld in die nuus genoem, maar die stories sê selde veel oor die Mexikaanse mense. Die daaglikse realiteite vir baie in Mexiko is haglik. 60% van die mense leef in armoede. Polisiekorrupsie bemagtig georganiseerde misdaad. 35 000 mense is sedert 2006 in dwelmverwante geweld dood. 800 000 kinders woon óf op straat óf is haweloos, en 11 miljoen kinders is kinderarbeiders. Ontvoerings in Mexiko is een van die algemeenste ter wêreld. Hierdie desperate situasies lei baie op 'n lewensgevaarlike soeke na toevlug, vryheid en geleenthede. Prys God egter: toenemende getalle Meksikane plaas hul vertroue en hoop in Jesus Christus! Baie besef dat net Hy hierdie nasie kan transformeer en ewige vrede aan sy mense kan bring. Kom ons kyk saam en bid vir sendingagentskappe wat onder die kwesbares werk, vir die lede van die polisiemag wat nie aan korrupsie beswyk het nie en vir die families wat geliefdes aan dwelms en geweld verloor het.