Tienduisende Rohingya-mense – 30 000 in agt weke – vlug van die weermag af. 'Die Birmaanse weermag het ons huise aan die brand gesteek. Mans word doodgeskiet. Ons is in diepe pyn.' Die Rohingia word die mees vervolgde mensegroep ter wêreld genoem; amptelik deur die regering verloën en staatloses, al woon baie al geslagte lank daar. Die VN het berig dat burgerlikes deur helikoptergewere afgemaai word. Die Kachin-mense van Birma (oorwegend Christene) vlug ook uit hul huise - byna 100 000 het gevlug, baie nou in tydelike kampe in haglike omstandighede. Sommige probeer om per boot te ontsnap, maar geen omliggende lande sal asiel toestaan nie. 200+ dorpe en 66 kerke is vernietig, en landmyne maak reis gevaarlik. Meer as 5 300 mense het 'n petisie onderteken wat 'n beroep doen op 'n einde aan hierdie geweld en om die blok op hulp aan diegene wat vlug, op te hef. As vervolging nie eindig nie, sal duisende van die honger doodgaan of deur die weermag doodgemaak word.