’n Weeshuis in Indië is deur plaaslike owerhede oorgeneem, nadat ’n hof beslis het dat die jong vroue wat daar woon, gebreinspoel is. Christian Today berig dat die Moses Ministries-kinderhuis in Tiruchy, Madras, bestuur word deur die Christian Initiative for India, wat aanvanklik in Duitsland gestig is deur ds Gideon Jacob wat in Indië gebore is. Die hof het beslis dat Jacob en die kinderhuis nie voldoende dokumentasie bekom het voordat hulle van sy kinders opgeneem het nie, en, nadat hulle hulle ingeneem het, hulle gebreinspoel het. Jacob het gesê die meisies is na die kinderhuis gebring deur ouers wat hulle nie wou hê nie, en dit is hoekom die kinderhuis nie rekords soos geboortedatum en ouers se name het nie. "Wanneer jy 'n baba bring om haar weg te gee, pleeg jy 'n misdaad waarvoor jy tronkstraf opgelê kan word," het Jacob gesê. "As jy jou kind weggee, gaan jy nie jou telefoonnommer gee nie."