Die langste konflik in die Amerikas het dalk nou 'n kans op vrede. Historiese vordering is onlangs gemaak toe Colombia se president en die leier van die FARC-rebellegroep 'n sperdatum van ses maande gestel het om 'n vredesooreenkoms te onderteken. Hierdie burgerlike konflik het oor vyf dekades geduur: sommige van die ontstellende gevolge is:- 220 000 dooies en 5 miljoen intern ontheemdes. Colombia is lank gevange gehou deur geweld, wraak en korrupsie. Duisende sterf elke jaar weens dwelmverwante misdade. Bogotá het een van die hoogste getalle straatkinders in Latyns-Amerika en Colombia het een van die hoogste getalle intern ontheemdes. Tientalle pastore en priesters word elke jaar vermoor. Die ooreenkoms tussen die regering en FARC maak die pad oop vir 'n finale vredesooreenkoms wat binne maande onderteken moet word. Prayercast berig ook dat die Kerk groei - selfs binne die ergste tronke, wat bevestig dat in die donkerste plekke die lig die helderste skyn.