Menseregtekundiges van die Verenigde Nasies, die Europese Unie, die Verenigde Koninkryk, die VSA en ander het kommer uitgespreek oor die aanhouding van meer as 200 prokureurs en aktiviste in China sedert 10 Julie. (Sien Gebedswaarskuwing 15 Julie)
Op 16 Julie het vyf onafhanklike VN-kundiges 'n beroep op die Chinese owerhede gedoen om op te hou om prokureurs en hul kollegas te teister en te intimideer, en gesê dat 'Prokureurs noodsaaklik is om die oppergesag van die reg te verseker; hulle moet beskerm word nie geteister nie'. Die Britse ambassade in Beijing het diep kommer oor die aanhoudings uitgespreek. Die VSA het China sterk versoek om almal vry te laat wat onlangs aangehou is omdat hulle probeer het om die regte van Chinese burgers te beskerm. Verlede week het die VK se Law Society aan die Chinese premier geskryf en kommer oor die situasie uitgespreek. Die Amerikaanse Kongres-Uitvoerende Kommissie oor China het gesê die 'golf van onderdrukking is 'n onmiskenbare terugslag in die VSA-China-verhoudinge'.