28 Christene wat 'n gebedsbyeenkoms gehou het, is verlede week deur die Saoedi-Arabiese polisie gearresteer. Hulle is ontvoer uit die huis van 'n Indiese Christen in Khafji, naby die Koeweitse grens. Daar is nog nie van hulle gehoor sedert hul inhegtenisneming nie. Volgens Fox News het 'n Saoedi-regeringsminister beweer dat hy geen kennis dra van die arrestasies nie, wat in verskeie Saoedi-nuuspunte berig is. Arabies-talige nuuswebwerf Akhbar-24 het gesê die godsdienspolisie is oor die huiskerkvergadering in kennis gestel. Daar is teenstrydige berigte oor die groep wat gevang is. Sommige sê dat net volwassenes gearresteer is terwyl die Saudi Gazette berig het dat mans, vroue en kinders geneem is. Daar is ook op verskeie Bybels beslag gelê in die klopjag.