Terreurgroep, Hamas, het belowe om voort te gaan om vuurpyle op Israel af te vuur nadat 'n Israeliese lugaanval Dinsdag sewe mense in 'n huis in die Gaza-strook doodgemaak het. Hamas beoog om sy aanvalle uit weerwraak te verskerp. Sy woordvoerder, Sami Abu Zuhri, het Israel daarvan beskuldig dat hulle 'slagtings' teen vroue en kinders in Khan Yunis gepleeg het. Met verwysing na 'n Israeliese lugmag-bomaanval op 'n huis wat aan 'n Hamas-operateur behoort, het Abu Zuhri gesê: 'Hierdie slagting teen vroue en kinders is 'n lelike oorlogsmisdaad. Alle Israeli's het nou wettige teikens geword.' Ismail al-Ashqar, 'n Hamas-wetgewer, het gesê dat sy beweging met die vuurpylaanvalle sal voortgaan totdat Israel aan sy eis swig en die blokkade wat op die Gaza-strook opgelê is, ophef