Christenleiers wat meer as 1 miljard mense uit 170 nasies verteenwoordig, het 'n ope brief aan hoofde van die G20 gestuur, waarin hulle gevra word vir dringende optrede teen korrupsie en belastingontduiking, berig Micah Challenge International in 'n mediaverklaring wat op 26 Junie vrygestel is. Hierdie historiese anti-korrupsie-inisiatief deur die wêreldkerk kom op 'n beslissende politieke oomblik terwyl ministers van finansies in Australië vergader voor die G20-beraad in November. Die brief is by Australië se Tesourie ingedien as deel van 'n lobby-geleentheid in Canberra waar meer as 200 advokate met 100 LP's vergader het. Deelnemers het ook naby die parlement bymekaargekom en simboliese reuse-ligte geskyn op die duisternis van korrupte transaksies. Australië beklee vanjaar die presidentskap van die G20 en speel 'n deurslaggewende rol in die bepaling van die prioriteite vir die vergadering in Brisbane. Die brief verteenwoordig die hoop van miljoene regoor die wêreld wat na Australië kyk om die voortou te neem op finansiële deursigtigheid.