Pastoor Behnam Irani is in 2011 tot ses jaar tronkstraf gevonnis op aanklag van oortredings teen nasionale veiligheid. Hy is sleg behandel tydens sy tronkstraf en sy gesondheid het so gely dat hy in Februarie 'n operasie nodig gehad het om inwendige bloeding te stop. Op 7 Junie is Behnam gedagvaar om voor die hoof van 'n revolusionêre tribunaal in Karaj te verskyn. Die dagvaarding was onreëlmatig en Behnam het 'n brief geskryf waarin hy teen die bevel betoog. In reaksie hierop het intelligensie-agente by die tronk aangekom, hom geslaan en Behnam voor die tronkgoewerneur gebring. Hulle het hom toe met geweld na die hoof van die revolusionêre tribunaal geneem en hy is toe na 'n onbekende plek verplaas. Ons word gevra om te bid dat Behnam en sy gesin die Here se teenwoordigheid en ondersteuning sal ken; Behnam se verblyfplek sal bekend word; en hy sal God se fisiese genesing ervaar, insluitende beserings wat tydens die pakslae opgedoen is.