Twee Christelike skole in die Noordooste van Engeland oorweeg regstappe teen Ofsted nadat hulle deur inspekteurs afgegradeer is. John Denning, voorsitter van goewerneurs by Durham Free School, het aan The Sunday Times gesê: 'Die skool is besig om regsadvies in te win en sal enige stappe doen wat nodig is om die belange van sy leerlinge en hul gesinne te beskerm.' Grindon Hall Christian School in Sunderland kan ook regstappe neem nadat dit Ofsted se klagteprosedure uitgeput het. Albei skole het aangevoer dat nuwe reëls wat vereis dat skole 'Britse waardes' moet bevorder, insluitend 'verdraagsaamheid', deels te blameer is vir die skole wat afgegradeer word. Onderwyssekretaris Nicky Morgan het verlede jaar die reëls ingebring in die nasleep van die Trojaanse Perd-skandaal wat infiltrasie deur radikale Moslemgroepe in skole in Birmingham behels het. Ander Christelike skole is ook afgegradeer sedert die nuwe maatreëls ingestel is. (Sien ook Gebedswaarskuwing 24-2014)